Doutora en Antropoloxía Social pola USC, ten realizado estadías de investigación en Lisboa, Oxford e Niamey. Membro do Grupo de investigación GI-1428 Antropoloxía Socio-cultural da USC, os seus traballos céntranse no estudo dos procesos de patrimonialización na Galicia vinculados, preferentemente, coas artesanías e as cuestións alimentarias. Ademais nalgunhas das súas publicacións máis recentes ten evidenciado o seu interese polos estudos de xénero. En todos estes ámbitos, leva participado en máis de media ducia de proxectos de investigación. É premio de Investigación “Manuel Vázquez Seijas”, 2001 e Segundo Premio, modalidade investigación, na VI Edición dos Premios á Introdución da perspectiva de Xénero na Docencia e na Investigación, 2015.